ចាប់ឃាតកបានហើយ តាមពិតផ្ដើមចេញពីរឿងលួចមាន់ទា
រាជធានីភ្នំពេញ ៖ ក្រោយពីការកើតមានអំពើឃាតកម្ម
ដេញតាមកាប់ចាក់សម្លាប់ក្មេងប្រុសជំទង់ម្នាក់
ដល់ផ្ទះរហូតបណ្ដាលឲ្យក្មេងប្រុសរូបនោះបាត់បង់ជីវិតនៅក្នុងថ្លុកឈាមនោះ។
កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋានរាជធានីភ្នំពេញ
រួមជាមួយនគរបាលព្រហ្មទណ្ឌខណ្ឌពោធិ៍សែនជ័យ និងប៉ុស្ដិ៍ចោមចៅ១។
បានចុះទៅធ្វើការស្រាវជ្រាវភ្លាមៗ
ហើយរយៈពេលប្រមាណជិត២០ម៉ោងទើបឈានដល់ការចាប់ខ្លួនឃាតកដៃឆៅបាន។
ក្រៅពីនេះកម្លាំងក៏បានឃាត់ខ្លួនមនុស្សប្រុសស្រីចំនួន៥នាក់ផ្សេងទៀត
ដែលជាគូកនរបស់ក្មេងប្រុសជំទង់រងគ្រោះខាងលើនោះផងដែរ។
ហើយរឿងរ៉ាវនេះផ្ដើមចេញពីរឿងចោរកម្ម
ដោយក្រុមជនរងគ្រោះនាំគ្នាទៅលួចមាន់ និងទា
របស់ជនដៃដល់ច្រើនដងមកហើយ ទើបជនធ្វើឲ្យដៃដល់ខឹងដេញតាមកាប់
និងចាក់សម្លាប់តែម្ដង។ នគរបាលបានឲ្យដឹងថា
កម្លាំងបានចាប់ខ្លួនឃាតកម្នាក់
រួមនឹងគូកនរបស់ជនរងគ្រោះចំនួន៥នាក់ផ្សេងងទៀត កាលពីវេលាម៉ោង៦
និង៣០នាទីយប់ថ្ងៃទី៨ ខែមករា ឆ្នាំ២០១៨ នៅក្នុងភូមិទួលពង្រ
សង្កាត់ចោមចៅ១ ខណ្ឌពោធិ៍សែនជ័យ។
ដែលអ្នកទាំងនោះមានការជាប់ពាក់ព័ន្ធទៅនឹងហេតុការណ៍សម្លាប់មនុស្សកាលពីវេលាយប់រំលងអាធ្រាត្រ។
នគរបាលបានបន្តឲ្យដឹងទៀតថា
យុវជនដែលឃាតកម្នាក់ដែលត្រូវចាប់ខ្លួនឈ្មោះ ភាព វិសាល អាយុ២៣ឆ្នាំ
មុខរបរចិញ្ចឹមទា ស្នាក់នៅក្នុងភូមិកើតហេតុខាងលើ ប្រើប្រាស់កាំបិត
និងដែកឆាបចុងស្រួចចាក់សម្លាប់ជនរងគ្រោះ។
ចំណែកក្មេងប្រុសជំទង់ដែលស្លាប់នោះឈ្មោះ ប៊ុនធឿន ធារ៉ា
អាយុ១៧ឆ្នាំ ស្នាក់នៅភូមិទួលពង្រ សង្កាត់ចោមចៅ១
ខណ្ឌពោធិ៍សែនជ័យ។
នគរបាលពិនិត្យឃើញក្មេងប្រុសរងគ្រោះខាងលើមានស្នាមរបួសដាច់រយះក្បាលខាងក្រោយមួយកន្លែង
,ដាច់រយះថ្គាម ក្រោយស្លឹកត្រចៀកមួយកន្លែងដល់ឆ្អឹង, ដាច់រយះ
ហើយធ្លុះទ្រូងទាំងខាងឆ្វេង
និងខាងស្ដាំដល់ឆ្អឹង,ស្នាមដាច់រយះនៅលើចង្អូរខ្នងក្បែរស្លាបប្រចៀវមួយកន្លែង,ស្នាមដាច់រយះនៅលើខ្នងខាងស្ដាំមួយកន្លែង
និងខាងឆ្វេងមួយកន្លែងកន្លែង។
មិនតែប៉ុណ្ណោះឆ្លងកាត់តាមរយៈការធ្វើតេស្ដទឹកនោមរបស់ជនរងគ្រោះក៏មានសារធាតុញៀនផងដែរ។
ប្រភពដដែលបានបន្តថា
ដោយឡែកគូនកនជនរងគ្រោះក៏ត្រូវបានឃាត់ខ្លួនបានចំនួន៥នាក់ទៀតដែរក្នុងនោះមាន១,ឈ្មោះ
រម្យ ខន អាយុ១៩ឆ្នាំ ២,ឈ្មោះ លាភ ផល្លា ភេទប្រុស អាយុ១៩ឆ្នាំ
មុខរបរកម្មកររោងចក្រ មានស្រុកកំណើតនៅភូមិព្រលាន ឃុំរំលេច
ស្រុកសីធរកណ្តាលព្រៃវែង ត្រូវជាប្ដី។
៣,ឈ្មោះ ផែន ចន្នី ភេទស្រី អាយុ១៨ឆ្នាំ ត្រូវជាប្រពន្ធមុខរបរនៅផ្ទះ
មានស្រុកកំណើតនៅសង្កាត់ត្រពាំក្រសាំង ខណ្ឌពោធិ៍សែនជ័យ។ ៤,ឈ្មោះ
ឡៅ ឆាយ ភេទប្រុស អាយុ១៧ឆ្នាំ ៥,ឈ្មោះ ង៉ាន់ ឈុន ភេទប្រុស
អាយុ១៨ឆ្នាំ អ្នកទាំង៥នាក់នេះ
កន្លងមកគឺធ្លាប់ជាអ្នកមើលទាឲ្យជនដៃដល់ ហើយពួកគេទាំងនេះ
ក៏ស្នាក់នៅក្នុងភូមិទួលពង្រ សង្កាត់ចោមចៅ១
ខណ្ឌពោធិ៍សែនជ័យជាមួយគ្នាដែរ។ នគរបាលបានបន្តថា
ក្រោយពេលចាប់បានខ្លួនឃាតកដៃឆៅបានសារភាពប្រាប់នគរបាលថា
ខ្លួនពិតជាបានសម្លាប់ជនរងគ្រោះមែនដោយសារតែកន្លងមកខ្លួនបានបាត់ទាច្រើនណាស់ដែលជាស្នាដៃរបស់ក្រុមជនរងគ្រោះខាងលើចូលលួចជាបន្តបន្ទាប់។
ដោយសារតែខឹងខ្លាំងពេកខ្លួនបានសច្ចាក្នុងចិត្តថា
ថ្ងៃណាមួយឲ្យតែក្រុមនេះចូលទៅលួចមានទាទៀតខ្លួនមិនអត់ឱនឲ្យទៀតទេ
គឺត្រូវតែសម្លាប់ចោលហើយ ។
លុះដល់ថ្ងៃកើតហេតុស្រាប់តែជនរងគ្រោះមានគ្នារហូតដល់ទៅ៦នាក់បានចូលលួចមាន់ទាម្ដងទៀត
ទើបខ្លួនដេញតាមទាន់ក៏កាប់
និងចាក់សម្លាប់តែម្ដងព្រោះខឹងពេកទប់ចិត្តលែងបាន៕
Comments
Post a Comment