បើដូចម្លឹងៗ
ប្រសិនបើក្រឡេកមើលតែ មួយភ្លែត អ្នកអាចច្រឡំថាវាជាសត្វ មែនទែន ប៉ុន្តែតាមពិតវាជានំខេក សោះ។ វាពិតជាស្រស់ស្អាតខ្លាំង ណាស់។ ទោះជាយ៉ាងណា បើវាដូច សត្វមែនទែនម្លឹងៗ តើអ្នកណាហ៊ាន ឬដាច់ចិត្តបរិភោគ។ទាំងអស់នេះគឺជាស្នាដៃល្អឯក គ្មានពីររបស់អ្នកស្រី ហាណា អេដ វើដស៍ (Hannah Edwards)។ ស្ត្រីវ័យ ៣៥ឆ្នាំ មកពីទីក្រុងឡុងដ៍ ប្រទេស អង់គ្លេសរូបនេះប្រើរូបថតសត្វចិញ្ចឹមជាទីស្រឡាញ់ របស់អតិថិជនដើម្បីធ្វើនំ ឱ្យដូចពួកវា។ គាត់បានចាប់ផ្តើមមុខរបរ ដុតនំដើម្បីរកប្រាក់ ក្រោយពីគាត់ត្រូវគេ ជម្រុះពីការងារ ខណៈគាត់ត្រូវចិញ្ចឹម កូនតូចៗពីរនាក់ ហើយមិនយូរប៉ុន្មាន គាត់ក៏បានរកឃើញទេពកោសល្យរបស់គាត់ក្នុងការឆ្លាក់នំ តាមរូបសត្វពិតៗ។ អ្នកស្រី ហាណា អេដវើដស៍ ដែលបច្ចុប្បន្នជាម្ចាស់អាជីកម្មផ្ទាល់ខ្លួន មានឈ្មោះថា The Cake Illusionist ធ្វើដំណើរជុំវិញពិភពលោកដើម្បី បង្រៀនគេឆ្លាក់នំរូបសត្វ ៕
Comments
Post a Comment